آن لائن سلسلے کی طرف بڑھنا بھی اللہ کریم کی جانب سے دل میں آیا وہ نیک خیال تھا جسے اب تو شرح صدر کے ساتھ کشف و الہام سے تعبیر کیا جا سکتا ہے اور وہ یہ کہ الکھف ایجوکیشنل فاؤنڈیشن کے زیر اہتمام تعلیمی اداروں کی بنیاد رکھنے کے بعد حضرت جی دامت برکاتہم کی فکر و توجہ ان ماؤں،بہنوں اور بیٹیوں کی تعلیم و تربیت کے لیے متفکر ہوئی جو دینی تعلیم کے حصول کی خواہاں تو ہیں لیکن گھر سے نکلنا مشکل ہے،قریب میں کوئی مستند دینی درسگاہ میسر نہیں،یا کسی ایسے ملک میں سکونت پذیر ہیں کہ علوم نبوت کے حصول سے محرومی ہے۔

لہٰذا، اللہ پر بھروسہ کرتے ہوئے، دنیا بھر سے ان طلباء کی دینی علم کی پیاس بجھانے کے لیے 2015 میں "ای آل کہف فار سسٹرز" نام کا ایک دینی اور تعلیمی پلیٹ فارم قائم کیا گیا۔

ابتداء مستورات کو جوڑنے کے لیے مختصر کورسز سے کی گئی، جس کی مقبولیت اور طالبات کے ذوق و شوق اور دلچسپی کے باعث اللہ کریم کی مدد و نصرت سے اگلے ہی سال درسِ نظامی (چھ سالہ کورس) کی ابتداء کر دی گئی۔

مگر بصد افسوس ابتداءً وہ کامیابی مقدر نہ ہوئی جو الکھف ایجوکیشنل سسٹم کے دیگر شعبوں کو حاصل تھی جس کی بڑی وجہ شائد انٹرنیٹ کے مثبت استعمال کی طرف مذہبی طبقے کے عمومی رجحان کا نہ ہونا تھا اور انٹرنیٹ سے علم دین کی شمعیں روشن کرنا قریب ناممکن سمجھا جارہا تھا اور انٹرنیٹ کی برائیاں غالب سمجھیں جا رہی تھی،لیکن گزرتے وقت نے یہ ثابت کردیا کہ لوہا لوہے کو کاٹتا ہے اور انٹرنیٹ کو ہی ذریعۂ تعلیم بنا کر اس فتنے کے خلاف اسے ہی استعمال کیا جانا مناسب معلوم ہوا اور الحمدللہ تجربہ کامیاب بھی رہا۔۔۔

"اگر آپ رکے رہیں تو بستیوں میں کوئی راستہ نہیں ہوتا، لیکن اگر آپ آگے بڑھیں تو پانیوں میں بھی راستے مل جاتے ہیں۔"
حضرت جی اور اماں جان (رقیہ باجی جان) نے اس نظام کو وسیع نظر کے ساتھ عالمی سطح پر متعارف کرایا۔ تعلیمی نظام کو بہتر بنانے کے لیے بہترین، تجربہ کار، اور تربیت یافتہ اساتذہ کا انتخاب کیا گیا، اور موجودہ دور کی جدید ضروریات کو مدنظر رکھتے ہوئے ماؤں، بہنوں اور بیٹیوں کو اللہ کی رسی کو مضبوطی سے تھامنے کا موقع دیا گیا۔